Birinci vitse-prezident Məhəmmədrza Arif cümə axşamı Afrika ölkələrinin İran İslam Respublikasındakı nümayəndəliklərinin rəhbərləri ilə görüşündə Qərb ölkələrinin İran xalqı və hökumətinə qarşı amansız hərəkətləri və sanksiyalarına toxunaraq deyib: “Yaxşı bilirsiniz ki, İran cəmiyyətinin reallığı Qərbin təqdim etdiyindən tamamilə fərqlidir. Bu gün Qərb sivilizasiyası azadlıq şüarı altında inkişaf etməkdə olan ölkələr üçün heç bir həyati hüquq tanımır. Onlar beynəlxalq təşkilatlarda təsir və təhdidlər vasitəsilə öz baxışlarını yeridirlər.”
Birinci vitse-prezident qeyd edib ki, Qərb ölkələrinin Qəzzə, Livan və Fələstindəki hərəkətləri İrana qarşı zalım sanksiyaların davamıdır və (onların baxışında) inkişaf etməkdə olan ölkələrin müasir qul olduqlarını qəbul etmədikcə nəfəs almaq və fikirlərini bildirmək hüququ yoxdur. Onlar ancaq inkişaf etməmiş ölkələrin maraqlarını udmaq istəyirlər.
Arif həmçinin İran İslam Respublikasının sülhməramlı nüvə fəaliyyətlərinə toxunaraq vurğulayıb: “İran İslam Respublikasının nüvə məsələsi ilə bağlı strategiyası ondan ibarətdir ki, dünyanın bütün ölkələrində qabaqcıl texnologiyalar olmalıdır. İnsanların rifahı, əmin-amanlığı, həyat səviyyəsinin yüksəldilməsi üçün bu imkanlar alim və mütəxəssislərin köməyi ilə yaradılmışdır və hər kəsin ondan istifadə etmək hüququ var.”
Birinci vitse-prezident söhbətinin digər hissəsində dost və qardaş Afrika ölkələrinin yüksək rütbəli nümayəndələrini İranda qarşılamaqla yanaşı, Afrikanı dəyərli mənəvi və maddi sərvətlərə malik qədim və böyük qitə və İran İslam Respublikasının xarici siyasətində xüsusi mövqeyə malik bir qitə kimi xatırladaraq deyib ki, İranın Afrika ölkələri ilə ticarət, iqtisadi, kənd təsərrüfatı, mədəni və elmi əlaqələri siyasi əlaqələrə uyğun inkişaf etməyib. Bu gün yaxşı və inkişaf edən siyasi əlaqələr bütün sahələrdə davamlı və hərtərəfli əlaqələrə nail olmaq üçün bizdən daha çox qarşılıqlı əməkdaşlıq tələb edir.
Sizin rəyiniz